हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

तिमीभित्रको आकाश

सुषमा मानन्घर, (ललितपुर)

प्रसव वेदना झेलेर

जसले तिमीलाई जन्माएकी छ
पीडाको गहिरो अनुभूति
उनले भन्दा
कसले गर्न सक्छ
आफ्नो भोक काटेर पनि
मुटुका टुक्राहरुको
तृप्तीमा
एक टुक्रा हाँसो चपाइरहने
आमाको हृदय ।
ऊभित्रको आकाश
सङ्गलो र उदार
हजार चोटहरुको बदला पनि
बाँडेकी नै छ
कोमल क्षमा
प्रेममा समर्पित
जीवन संगिनी ।

अविरल
निश्छल प्रेमका झरना
फूलका पत्रभन्दा कोमल
जुझ्दैपरे
ढुँगाभन्दा पनि कठोर
करुणा, कोमलता र शक्ति
त्रिवेणी समेटेर
एउटा तीर्थ ।

आफूभित्र श्रृष्टि सजाएर
एउटा माया
निरन्तर नदी
अटल पहाड

उदार आकाश
ऊ स्वास्नीमान्छे ।

के तिमीभित्र पनि छ
त्यही स्वास्नीमान्छे ?

 

Comments

सम्पर्क माध्यम

khasskhass@gmail.com
Share |