हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

राक्षस

बिनोद खड्का, (हाल: दोहा कतार)

धर्मशास्त्रको एउटा पात्र
अन्याय र अत्याचारको
जीउँदो जाग्दो एउटा प्रतिबिम्ब
अतितका कथाहरुमा
देउताहरुलाई लखेट्ने गर्छ
कुटीहरुभित्र पसी लुटने गर्छ ।

श्रृजनाका बगैचाहरुमा पसी
दानवी नृत्य नाच्छ
सुन्दर नगरका शोभायमान
पुष्पवृक्षहरु तोडिदिन्छ ।

दया र करुणाको त सवाल नै छैन
शान्तीको शत्रु हो
तोड्नु र फोड्नु त्यसैमा रम्नु
उसको आफ्नै संस्कार हो ।

यी अतितका कथाहरु
लाग्छ वर्तमानका यथार्थ हुन
हामीले सुन्ने गरेका अतित
लाग्छ आजका भोगाईहरु हुन ।

त्यसैले मलाई
आजको कथा लेख्नु छैन
कतै यस्तै नियती
फेरी कसैलाई दिनु छैन ।

२४ नोभेम्बर २००८


 

Comments

ससांग लामा

शर्मिलाजी! भर्खर मात्र सुन्दर जोशीको कथा पढेर मैले आफुलाई तरुण अनुभुती गरेको थिएं| अवश्यम्भावी मृत्‍युको कल्पी कल्पी बयान भएको तपाईंको कथा पढेर सारा तरुणत्व झर्याम्म झुरुम्म फुट्यो|म्रित्युलाई जित्न सकिन्न भनेर जान्दा जान्दै पनि यो सित हामी लाप्पा खेल्छौँ र अजम्भरी हुने चाहना राख्छौँ| शायद यही चाहना नै जिन्दगी जिउने मेसो पो हो की ? तपाईंको दु:ख माथि दुखेसो थपेर तपाईं लाई थप दु:ख दिन चाहन्न| राजनीतिज्ञहरुले प्रयोग गर्ने एउटा भाषाको पो याद आयो: \"शोकलाई शक्तिमा बदलौँ\"| समय बलवान छ,समयले नै यस दु:खको उपचार गर्छ| यो नै शास्वत सत्य हो! तपाईंको साहित्यिक जिन्दगीलाई निरन्तरता दिइरहनु होला!!!

सम्पर्क माध्यम

khasskhass@gmail.com
Share |