हालसालैका लेखहरु : उड्ने रहर छ,(उमा शर्मा ) तब पो दशैं आउँथ्यो,(गोतामे साँहिलो) नाप्नै सकिएन ,(रजनी श्रेष्ठ) धेरै सिकायो यो कोरोनाले,(उमा शर्मा) गिद्धहरु रमाउँदैछन्,(बासु श्रेष्ठ) आव्हान,(रजनी श्रेष्ठ) ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं )

गजल

भूपेन्द्र महत, (कोलोराडो)

रातो अक्षतामा निरीहको रगत नहोस
दिगो कामना शान्तिको,अब फगत नहोस

पावन क्षण, महान पर्व, उल्लास र हर्ष
दशै भोग्दा दशाको लामो लगत नहोस

राम या राबण, सुर या असुर चिन्छ को
आस्थाको पूजारी बकुला भगत नहोस

सबका ओठमा उषाको कान्ती छायो भन्थे
निरीहको रगतले पोतिने जगत नहोस

मन फुकाई देको सुका आठाना लाख हुन्छ
दान दक्षिणामा फिरौतिको नगत नहोस

Comments

सम्पर्क माध्यम

khasskhass@gmail.com
Share |