हालसालैका लेखहरु : उड्ने रहर छ,(उमा शर्मा ) तब पो दशैं आउँथ्यो,(गोतामे साँहिलो) नाप्नै सकिएन ,(रजनी श्रेष्ठ) धेरै सिकायो यो कोरोनाले,(उमा शर्मा) गिद्धहरु रमाउँदैछन्,(बासु श्रेष्ठ) आव्हान,(रजनी श्रेष्ठ) ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं )

फुट्न होईन जुट्न सिक

बिनोद खड्का, (हालः दोहा, कतार)

श्वायत्त प्रदेशको नारा दिनेहरु
मेरो देश भनेर उठन सिक
विखण्डनको वकालत गर्नेहरु
हाम्रो देश भनेर बाँच्न सिक ।

देश आत्मा हो
आत्महत्याको दूष्प्रयास नगर
देश मुटु हो
ह्दयाघातको दूष्प्रयास नगर
देश परिचय हो
गुमनामको कल्पना नगर ।

तराई, पहाड, हिमाल
एउटा विशाल बगैचा हो
विशाल नेपालको परिचय हो
अनेकताभित्रको एकता हो
एक भएर बाँच्न सिक ।
फुट्न होईन जुट्न सिक ।

जनताका नाममा
जनतालाई हतियार बनाई
राजनितिका नाममा
देशलाई साधन बनाई
फुटाएर हाँस्न नखोज ।
एक भएर बाँच्न सिक ।
फुट्न होईन जुट्न सिक ।

 

Comments

सम्पर्क माध्यम

khasskhass@gmail.com
Share |