हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

एउटा आत्मा कहानि

रामकुमार श्रेष्ठ, (केण्ट, वेलायत)

कामै के छ र ए साथी हो

त्यसैले सुन न त एउटा आत्मा कहानि

गाइजात्रै गाइजात्रामा एउटा थपनि।

 

कसैले भनेन-

हिमाल तिम्रो हातबाट गुम्छ,

पहाड तिम्रो हातबाट गुम्छ,

तर ढुक्कसँग भनिदिएँ 

अति गर्बसाथ हुँकारीदिएँ-

तराइ तिम्रो हातबाट गुम्छ-

कस्को छ यस्तो स्वच्छ अनि निस्कलंकित मन,

भित्र जे छ त्यही बोलिदिएँ,

मनको कुरा खोलिदिएँ-

राजदूत् होइन मन्त्री हुँ त

केको कुटनीति, भने भन्छन यसलाई सूदनीति !

 

लाज कस्ले केको लागि मान्ने यहाँ,

भ्रस्टाचार गर्नु गरेर पनि फुर्ति लगाउने ठाउँमा,

रातो पासपोर्ट बेचेर पनि शानको जीबन बिताउने गाउँमा,

पुरुष भएर  सुत्केरी भत्ता खाएँ त के भो ?

लाटा सुधा जनताले बारम्बार पत्याएकै हो। 

 

भाषाको तौर तरीका किन यहाँ

कुरोको चुरो चाहिन्छ जाहाँ,

बिरोधको लागि बिरोध गर्नु पो थियो -

            चर्किरहेको बिबाद सेना समायोजनको,

बोल्न हुने नहुने थाहा के मलाई -

            ओकलिदिएँ अन्तर्कुनामा लुकिरहेको थियो जो ।

 

गोर्बाच्योभले त शान्ति नोबेल पुरस्कार पाए,

मैले भने कठै बरा त्यो चिताउने कसरी हाए,

मैले जे बोलें त्यो पुरा भए पनि लछार्पाटो लाउन त सकिन्छ नै के र ?

कुर्सी ओगटिरहने सूत्राधार मात्र नभए होला त अरु के र ?

Comments

सम्पर्क माध्यम

khasskhass@gmail.com
Share |