हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

पुरानो नेपाल नयाँ नेपाल

शिरीष रानाभाट, (ल्फोरिडा, अमेरिका)





पुरानो नेपालमा
घात, अन्तर्घात र प्रतिघातको त्रिकोणभित्र
विश्वासको चौथो कोण खोज्ने क्रममा
तीन भुजाभित्रको
गुरुत्वाकर्षणविहीन शुन्यमा
उडिरहे निराधार
जीवनका धेरै वर्षहरु ।

त्यहि बीचमा
धेरै भूमि सिँचेछ रगतले
भरिएछन् मन र मस्तिष्कहरु
व्देष र घृणाहरुले
भासिएछन् किनाराहरु भाईचाराका
जातीय दुश्मनीका लहरहरुमा ।

नयाँ नेपालमा
त्रिकोणका बाहुहरु बदलिएछन्
आक्रोशमा आशमा र त्रासमा
आज भोली
बदलिएका यिनै तीन बाहुले
समेटिएको निस्तब्धताभित्र
आफ्नै पहिचान खोज्दै
भौँतारिरहेछु, भौँतारिरहेछु ।
 

Comments

सम्पर्क माध्यम

khasskhass@gmail.com
Share |