मानिस
आशा गुरुङ, (इजराएल)
आकाश बन्न खोज्छ मानिस
आफु उभिएको धर्तीलाई बिर्सन्छ
जुन बन्न खोज्छ मानिस्
समिपका ताराहरुलाई बिर्सन्छ
हिमाल बन्न खोज्छ मानिस
तराइका फाँटहरुलाई बिर्सन्छ
प्रकृतिको उपहार बन्न खोज्छ मानिस
आफ्नो सुन्दरतालाई बिर्सन्छ
सदाबहार बसन्त बन्न खोज्छ मानिस
सिरिषको आगमनलाई बिर्सन्छ
चौतारी बन्न खोज्छ मानिस
देउराली र भञ्ज्याङलाई बिर्सन्छ
सागर बन्न खोज्छ मानिस
झरना खोलाहरुलाई बिर्सन्छ
सर्बश्रेस्ठ बन्न खोज्छ मानिस
आफुभित्रको मानबीयता बिर्सन्छ
कर्तब्येनिस्ठ बन्न खोज्छ मानिस
इमान्दारिताको पाठ बिर्सन्छ
आदर्श बन्न खोज्छ मानिस्
आफु रित्तो भएको बिर्सन्छ
छुत्तै अस्तित्व बनाउन खोज्छ मानिस
चालेका पाइलाहरुलाई बिर्सन्छ
अबिरल सुख चाहन्छ मानिस
जिबनको उकाली उरालीलाई बिर्सन्छ
कृत्रिम मुस्कान देखाउँछ मानिस
मनभित्रको बेदना साटासाट गर्न बिर्सन्छ
सुन्दर बन्न खोज्छ मानिस
अन्तर रुपलाई बिर्सन्छ
सत्ये बन्न खोज्छ मानिस
झुट्को खेतीमा आफुलाई बिर्सन्छ
महान बन्न खोज्छ मानिस
बुद्धको उपदेशलाई बिर्सन्छ
राम बन्न खोज्छ मानिस
उ भित्रको रावणीयतालाई बिर्सन्छ
अमर बन्न खोज्छ मानिस
अपरिबर्तनीय् प्रकृयालाई बिर्सन्छ
जिबन जिउने होड्बाजीमा मानिस
जिबनको गहिराइ नै बिर्सन्छ
अर्काको खुट्टा तान्ने खेलमा मानिस
आफुले आँफैलाई नै बिर्सन्छ
Comments
D.R THAPA
Thanks,it was Superb!!
Suman Raj Shrestha
प्रकाश दाईको फेरी एउटा सुन्दर संस्मरण पढ्न पाइयो । धन्यवाद खसखास डटकम ।
Prakash Sayami
thanks
ganga limb
नेपाललाई साचो माया गर्ने एक मात्र भारतीय कलाकार को अन्त्यले साचैनै हामी सम्पूर्ण नेपालीहरु लै निस्तब्ध बनाएको छ अझै तपाइको यो लेख पढ्दा त झन् मन थाम्न गारो भएको छ , अनि हाम्रो हजुर आमाहरुको प्रस्नको जवाफ चाही कसले दिने अब??