हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

खबरदार ! कलम भाँच्ने दुस्साहस नगर

विद्या सापकोटा 'निर्जला', (कल्याणपुर ७, नुवाकोट हाल: शंकरदेव कलेज, काठमाडौं ।)

कलम निरन्तर चलिरहन्छ 
कलमको यात्रा सगरको उचाइ केन्द्रित हुन्छ 
कलम स्वतन्त्रता मन पराउछ 
कलम निरपक्षेता चाहन्छ 
कलमले लगाम पटक्कै मन पराउदैन 
यसले त जे देख्छ त्यही नै लेख्छ ॥
 
कलम सडकजस्तो निरिह हुन्न
तिमीहरुले फोहरको बार लगादिदैमा छेकिने 
कलम भत्ता र भ्रमणमा विश्वास गर्दैन
यसोउसो देशको ढुकुटी रित्याउनै पर्ने 
कलम तिमीहरु जत्ति अन्धविश्वासी छैन 
कालो विरालाले बाटो काट्दैमा बाटै फेरीदिने ॥
 
त्यसैले त्यसैले 
ए कलम विरोधीहरु हो !
यसको बाटोमा डढेलो लाउने आँट नगर
 एँजेरु मासिनेछ मुनाहरु झनझन सप्रनेछन् ।
एउटा मात्र पनि कलम भाँच्ने दुस्साहस नगर
हजारौ कलम एकसाथ जुर्मराउनेछन् ॥
 
ए कलम किन्न खोज्नेहरु हो !
कलमलाइ बन्दि बनाउने मुर्ख्याई नगर
भ्रष्ट नेताको बोलि हैन कलम
यो त बालक झै निश्छल हुन्छ 
कलम त्यती कमजोर हुन्न 
यसले त युग मर्काउन सक्छ 
साँच्चैको कलमले सत्य मात्र सत्य ओकल्छ ॥
 
कलम हतियारदेखी पटक्कै डराउदैन 
कलम त निसहायको साहारा पो हो 
कलम सत्यताको आधार पो हो 
कलम आवाज विहिनहरुको आवाज हो ॥
 
सत्य यो हो की
कलमको लोडसेडिङ्ग तिमी गर्नै सक्दैनौं
कलममा बर्डफ्ल्यु तिमी घोल्नै सक्दैनौ 
 
त्यसैले खबरदार !
भुलेर पनि कलम भाच्ने दुस्साहस नगर 
 बिर्सेर पनि विष घोल्ने प्रयत्न नगर 
कलम स्यालको सिङ्ग पर्खेर बस्दैन
यसले त जे देख्छ त्यही नै त लेख्छ 
त्यसैले फेरी भन्छू
भुलेर पनि कलम भाँच्ने दुस्साहस नगर ॥
भुलेर पनि कलम भाँच्ने दुस्साहस नगर ॥
 
(स्व. पत्रकार उमा सिंहमा समर्पित)
 
 

Comments

सम्पर्क माध्यम

khasskhass@gmail.com
Share |