बडा दशैं २०७६ को शुभ उपलक्ष्यमा खसखस डट कमका सम्पूर्ण पाहुना, पाठक, श्रोता, लेखक तथा शुभचिन्तकहरुमा मङ्गलमय हार्दिक शुभकामना !

हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

सालिक र भगवानहरु

सङ्गीत आयाम, (चितवन, भरतपुर)

नदीभित्र देखिने
पहाडहरुका अदभुत् छाँया
क्रमशः खस्दै गैरहेछन्
पानीमा खिचिएका
रङ्गहीन रेखाजस्तै
पहाडभित्र डुलिरहने
नदीहरुका नीला आँखा
छोपिदै ढलिरहेछन्
यातनाका धूँवाहरुभित्र
धमिलो परिदृश्यसँगै
हिमालको फराकिलो छातीमा अब
चिस्सिन छाडेका
हिउँहरु मात्र छन्
अनन्त आक्रोशहरुमाझ
खडेरी खेपिरहेका
आगोका लप्काहरु
चौडा काँधहरु भएर बग्छन्
चर्का स्वरहरुमा उज्यालो खोज्दै
मृत्युजयी गीतको आभाषमा
खरानी सेकिरहेका
टाढा कतैबाट
असङ्ख्य मान्छेहरुको
अनौठो जुलुस आइरहेछ
मान्छेहरु निहत्था मनहरुमाथि
प्रहार गर्छन्
र भगवान हुँदै गैरहेछन्
मान्छेहरु निरीह संवेदना माथि
आक्रमण गर्छन्
र सालिक भैरहेछन्
भगवानरुपी मान्छेहरु भने
शिकारी झै देखिन्छन्
निसाना छोडिरहेका
सालिकरुपी मान्छेहरु भने
सत्तासीन भएर गर्वित छन्
गुलामीको आनन्द लिइरहेका ।



 

Comments

खसखस डट कम

डट हुनु पर्नेमा अन्यथा भएछ | 
प्रतिक्रियाकोलागि रुबेनजीलाइ धन्यवाद |

Ruben pun magar

दात हो कि डट हो ?

सम्पर्क माध्यम

khasskhass@gmail.com
Share |