हालसालैका लेखहरु : शक्ति पूजा,(बासु श्रेष्ठ) आइदेउ नव वर्ष हर्ष बटुली नेपाल हाँस्ने गरी,(दुर्गा रिजाल) नयाँ वर्षको शुभकामना,(भरतमणि मरहट्टा ) गजल,(इन्जिनियर राकेश कार्की) ठूलो बन्ने कसरी?,(विक्रम गौतम) संवाद संस्कृतिको उत्तरआधुनिक प्रयोजनामा शर्मिला खड्का,(कृष्ण गौतम) म हुॅ आजकी नारी,(लालीगुराॅस) जागित्राहरु ,(गणेश खड्का ) झरी पर्दा सम्झिन्छु......,(गणेश खड्का) ह्याप्पी भ्यालेन्टाइन्स डे,(विक्रम गौतम)

शक्ति पूजा

बासु श्रेष्ठ, (उडब्रिज, भर्जिनीया)

गाउँछौ महिमा, जसको छ शक्ति

हृदय लगाउँछौ, गर्न उसकै भक्ति

निमुखा र कमजोर, पर छन् नजरमा

हतियार बोक्ने, पूजिने नजरमा ।

 

महिला हेपिने, बिना शक्तिका ति

दुर्गा पूजिने, भरि शक्तिका ति

विष्णु हेपिन्छन्, मानव भएर

विष्णु पूजिन्छन्, बलवान भएर ।

 

पूजेर शक्ति, आफु भर्न खोज्छौ

कुटेर अशक्ति, आफु बलियो बन्छौ

कुरा समान, फरक छ गराई

शक्ति देखेमा, बस्छौ डराई ।

 

कमजोर बनेर, लुत्रुक्क पर्छौ

केहि नबोली खुत्रुक्क पर्छौ

कमजोर पाए, जुरुक्क उठ्छौ

मै हुँ भनेर, हुरुक्क हुन्छौ ।

 

जिउ हजुरी, बजाउन जान्ने

दुई हात सार्है, मल्न नि जान्ने

कमजोरलाई, ति हस्त लाग्ने

बलिया देखेमा, खुसुक्क भाग्ने ।

 

एकै थलोमा, दुई भेटिँदा नि

दुबै समान, लायक हुँदा नि

काखा र पाखा, भएको देखेँ

सानो र ठुलो, गरेको देखेँ ।

 

गाउँछौ महिमा, जसको छ शक्ति

हृदय लगाउँछौ, गर्न उसकै भक्ति

निमुखा र कमजोर, पर छन् नजरमा

हतियार बोक्ने, पुजिने नजरमा ।

Comments

सम्पर्क माध्यम

khasskhass@gmail.com
Share |