हालसालैका लेखहरु : आव्हान,(रजनी श्रेष्ठ) ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री)

नयाँ वर्षको शुभकामना

भरतमणि मरहट्टा , ( )

फेरिएर पुरानो त्यो नयाँ साल भयो शुरु

केवल मिति पात्रामा नविन लेखियो गुरु ।


यो वर्ष नयाँ भई आए हुने विकास लीकन

पर्खिबस्यौ सँधै हामी खुशी बन्छ कि जीवन ।


मेरो देश बनोस् धेरै परिपूर्ण र सुन्दर

आशा लिएर बाँच्दैछु अहो बनेन यो तर ।


जसरी पात फेरिन्छ पलाई नव मन्जरि

फेरिउन नयाँमा थोत्रा विचार ती उसैगरि ।


प्रगति पथमा लम्कि दुवोसरि त भैकन

उन्नतिका उकालामा बढौं हामी सबै जन ।


गीत गाउँछ कोईली निकालेर मिठो स्वर

आयो बैशाखको मैना सुवास चल्छ हर्हर ।


फूल फुल्दछ बागैमा रंगीन बन्छ जीवन

छ शुभकामना धेर खुशीमा डुव्नु रे मन ।

Comments

सम्पर्क माध्यम

khasskhass@gmail.com
Share |