हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

म हुॅ आजकी नारी

लालीगुराॅस, ( )

पौराणिक धर्मग्रन्थमा चिनाइएकी
सदा मौन बस्ने देवी होइन म
म भित्र गतिशील हुने चाहना छ ।

भानुभक्तको वधुशिक्षामा परिभाषित
सहनशील शुशील वधु होइन म
म भित्र अन्याय विरुद्ध उठ्ने आवाज छ ।

साहित्यकारको सिर्जनामा श्रृङगारीएकी
सदावहार कामुक सुन्दरी होइन म
म भित्र मेरो शरीरमा मेरो अधिकार भन्ने बुझाइ छ ।

चित्रकारको क्यानभासमा पोतिएकी
निर्वस्त्र अश्लिल नारी होइन म
म भित्र ब्यभिचारलाई रोक्ने सामर्थ्य छ ।

अर्थहीन चलचित्रमा उभ्याइएकी
निमुखा विचरी नारी होइन म
म भित्र आफ्नो रक्षार्थ लड्ने अदम्य बल छ ।

हरेक परिवार र समाजले चाहने
सोझी त्यागी महिला होइन म
म भित्र परिवर्तन ल्याउने आवाज छ ।

घरपरिवार भित्र मात्र सिमित रहने
समर्पित र निस्क्रिय गृहिणी होइन म
म भित्र सक्रिय ब्यक्तित्वको तृष्णा छ|

देश र समाज प्रति उत्तरदायित्वको बोध छ
केही गरेर देखाउने उर्जाशील क्षमता छ
विद्या, शुशीला र ओनसरीको छविलाई
निरन्तरता दिने सुषुप्त मनोकांक्षा छ ।

किनकि म हुँ आजकी नारी
किनकि म हुँ आजकी नारी ।।

Comments

सम्पर्क माध्यम

khasskhass@gmail.com
Share |