ह्याप्पी भ्यालेन्टाइन्स डे
विक्रम गौतम, (नर्थ क्यारोलाइना )
जानीजानी
नजानी, भनौं आउ ह्याप्पी
भ्यालेन्टाइन्स् डे।
म
राजा तिमी रानी,
ह्याप्पी भ्यालेन्टाइन्स् डे।।
म
रिसाए तिमी फकाऊ,
तिमी रिसाउँदा मैले।
म
आगो तिमी पानी,
ह्याप्पी भ्यालेन्टाइन्स् डे।।
अँगालोमा
बेरिएर, चुम्न देऊ
तिम्रा अधर।
म
भिक्षु तिमी दानी,
ह्याप्पी भ्यालेन्टाइन्स् डे।।
गल्ती
भए माफ गर,
मेरा यी लोभी
नजर।
म
मूर्ख तिमी ज्ञानी,
ह्याप्पी भ्यालेन्टाइन्स् डे।।
किन
गर्छौ आनाकानी? परेको
छु तिम्रै भर।
म
शिर तिमी सिरानी,
ह्याप्पी भ्यालेन्टाइन्स् डे।।
दिल
देह दुवै दिएँ,
माया मिसाउ मन
मिलाउ।
म
आनी तिमी बानी,
ह्याप्पी भ्यालेन्टाइन्स् डे।।
सुखद्
साथ समर्पणको, बिताउनु
छ सधैँसधैँ।
म
साँझ तिमी बिहानी,
ह्याप्पी भ्यालेन्टाइन्स् डे।।
कोरौं
आज पाना भरि,
प्रणयका प्रत्येक पल।
म
कथा तिमी कहानी,
ह्याप्पी भ्यालेन्टाइन्स् डे।।
(लेखक नर्थ
क्यारोलाइना नेपाली साहित्य
समाजसँग आबद्ध हुनुहुन्छ)