हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

बुबाको सम्झनामा

भरतमणि मरहठ्ठा, ( )

पितामा छ सम्मान मेरो असाध्य ।

हुने सम्झनामा भनी छैन साध्य ।।

जलाएँ चितामा पहिल्यै लगेर ।

कहाँ हुन्छ शान्ती गरी श्राद्ध धेर  ।।

 

दिने प्यार औधी त सन्तानलाई ।

जुटाउने खाना र आफै नखाई ।।

कहाँबाट खोजी पुरा हुन्छ ईच्छा ।

भनी राख्न सक्ने सबैमा सदिच्छा ।।

 

थियो भित्र ईच्छा कहाँ मैले जानें ।

सधैँ वाँचिराख्ने भनी व्यर्थ ठानें ।।

गरें क्यै अनादर् नजानेर पैले ।

कहाँ माफ माग्ने रुने गर्छु ऐले ।।

 

वुवा भन्नु जानिन्छ सर्वस्व मेरो।

वितीजानु भैगौ सबै भो अँधेरो ।।

कहाँ गै उज्यालो म देखौं मुहार ।

र रित्तो भयो जिन्दगीको वहार ।।

 

बुबाको भई सम्झना हुन्छ धामा ।

नरोउन् कसैका यहाँ बाबुआमा ।।

दिए जन्म जस्ले गरौं मानमात्र ।

खुशी राख्नु पर्ने यहाँ पितृ पात्र ।।

 

दिदैंनन् नि खाना जिऊँदा हुँदामा ।

मरे पिण्ड दिन्छन् बटारी दुनामा ।।

सके राख्नु सम्मान गर्दै मिलाई ।

कुनै काम देखिन्न पिण्डै लडाई ।।

 

लियौं जन्म मर्ने त पक्का छँदैछ ।

भयौं व्यर्थ अन्धा भनी मांनिदैछ ।।

बुवा साथ आमा सबैमा प्रणाम ।

गरे मान पाईन्छ स्वर्गीय धाम ।।

Comments

सम्पर्क माध्यम

khasskhass@gmail.com
Share |