हालसालैका लेखहरु : लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ ) दशैँ ,(सुशील शाह)

मगन्ते बालक

उज्ज्वल जी.सी., ( )

दश औंला जोड्दै

 

– “ हजुर पॉंच रुपैयॉं !

– “ छैन ।

– “हजुर एक रुपैयॉं !

– “ छैन भनेको ।

 

कपाल कन्याउंदै

 

– “ भोक लागेको छ ।

– “ पैसा माग्न सक्नेले काम गर्न सक्दैनस् लुच्चा !

– “ हामीले के काम गर्ने मालिक ? ”

– “ भॉंडा माझ्न जान्दैनस् ?”

– “ जान्छु हजुर ! म हजुरकै घरमा भॉंडा माझ्न जान्छु ।

– “ पर्दैन उल्लु !

– “ हैन हजुर, म भॉंडा माझ्न सक्छु ।

– “ तँ जस्तो चोरलाई घरमा काम गर्न लाने के म मुर्ख हू? ”

– “ म चोर हैन हजुर !

– “ चोर नभए के तँ सज्जन होस् त ? ”

 

प्रश्नले अल्मलिंदै वाल्ल पर्यो मगन्ते बालक ।

 

– “ हजुर आजसम्म मैले चोरेको छैन ।

– “ यो कुरा झूठ हो ।

– “ आमाको रगत खानु मैले केही चोरको छैन आजसम्म ।

– “ त्यसो भए होटलमा भॉंडा माझ्न जा !

– “ म सक्दिन हजुर !

– “ किन सक्दैनस् ? ”

– “ माग्न पाएर ।

– “ किन मागेको त ? ”

– “ खान नपाएर ।

बालकको उत्तर सुनेर बटुवा पनि एकछिन रनभुल्लमा पर्यो । थप प्रश्न आफ्नो मस्तिष्कभित्र भेटेन उसले । अनि एक रुपैयॉंको स्यावासी दिँदै आफ्नो बाटो लाग्यो । 

 

Comments

सम्पर्क माध्यम

khasskhass@gmail.com
Share |