हालसालैका लेखहरु : आव्हान,(रजनी श्रेष्ठ) ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री)

विश्व विद्यालयको झार

जेबी खत्री, ( )

बर्षेनी छेडेर भुइँ
उम्रिन्छ हरियो झार
आकास छुने उत्साहसाथ
विश्व विद्यालयको आँगनभरि
र बढ्छ वर्षातको झरिसँगै
अग्लो भएर,फुल्छ घमण्डले
फल्छ गौरवले ।

तर
हिउँद लागेपछि
आफैंमा पहेंलिदै जान्छ
बिस्तारै मर्दै जान्छ
पानी पर्न छोडेपछि
चैत वैशाखको खडेरीमा
धुलो उड्ने हुन्छ ।

बर्षा लागेपछि
फेरि उम्रिन्छ
हरियो भएर
वर्षातको झरिसँगै
बढ्छ अग्लो भएर
बिश्व विद्यालयको
परिसरभरि
वर्षेनी विश्व विद्यालयको
आँगन ढाकेर
बेरोजगार युवाहरू झैं
निरन्तर, निरन्तर ।

Comments

सम्पर्क माध्यम

khasskhass@gmail.com
Share |