गरौँ राष्ट्र माथी हुनेको तयारी
चूडा निर्भीक, ( )
उ आएछ वैशाखको मध्य पारी
गयो धम्कि छाडी सबै विगारी ।
पराकम्प ठूला सधैं जान्छ भारी
कतै बन्छ नेपालको यै चिनारी ।।
कमायो मुटू जोडले कम्प हान्दै
बनायो छिया फेर पखेरा नि तान्दै ।
घरैको जगैमा बटारेर फाल्दो
पुराना सबै सम्पदा छानि ढाल्दो ।।
कहिल्यै नजानू नि भूकम्प फेरी
यदी जान परे खालि जानु हेरी ।
नढाल्नू चिनारी नमास्नू पुरानो
र नेपालमा बन्नु तैँले विरानो ।।
परेथ्यौँ पछाडी अझै धेर ज्यादा
गयौँ हामि कस्तो रहेको विधाता ।
मुहारै उज्यालो बनाऊँ मिलेरै
युवा लाग निर्माणमा खुलेरै ।।
छ धोको त हेर्ने मुलूकै विशाल
मिले बन्छ आऊ उठाऊ हिमाल ।
खनौँ देशको जग् बलीयो बसाऊँ
मिलेरै बनाऔं न वस्ती र गाऊँ ।।
नजाला अगाडी सबैले न गर्दा
नहोला उजेलो पछि हामी सर्दा ।
ल आऊ यहाँका युवा बाल नारी
गरौँ राष्ट्र माथी हुनेको तयारी ।।
