नजर के जुधेथ्यो...
इन्जिनियर राकेश कार्की, (लस एन्जेलस)
नजर के जुधेथ्यो चाँदनी छरियो जिवनमा
प्यासी घडा अमृत जलले भरियो जिवनमा
कति भएथ्यो नदेखेको खोज्दै खोज्दै हिँडेको
हजारौँ आशाका खोला तरियो जिवनमा
लुकामारी खेल्दै कहिले उ माथि बादलमा
कहिले तल समुद्रमा झरियो जिवनमा
सोचेकै थिएन आज एक्लै मुस्काई रहेछु
एकटकले हेरियो छक्क परियो जिवनमा
जता जता जान्छु तिम्रो रोशनी साथै
पछि पछि लाग्ने अठोट गरियो जिवनमा