हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

पहाड र मेरा बा

कृष्ण कट्टेल, (सिटिजन एफएम, काठमाण्डौ । )

असंख्य पहाडहरुको पत्रमा
उभ्भिएको एउटा पहाड
त्यहि पहाडले जन्माएको मेरा बा
आजसम्म उसकै छातिमा हुर्किएर
स्याहारिरहेछन त्यहि पहाडलाई ।

शिशिरमा उजाडिएको पहाडको खुसी
मेरै बाको पसिनाबाट फर्किन्छ बसन्तमा
अनि लगाउँछ हरियो लाली
कुनै साइड इफेक्ट नहुने ।
बरु देखिन्छ उल्टै
हराभरा र सम्पन्नशाली ।

त्यहि पहाड हो
मेरा बाको सबैथोक
अनि मेरो पनि इश्वर
त्यहिँ रोपिएको पसिना
मोति भइदिएर नै
रगत पसेको हो मेरो मुटुमा ।

कहिले गल्र्याम्म लडिदिन्छ पहाडको एक कुना
पर्खाल लगाउछन मेरा बा
अनि फोरेर चट्टान, माटो बनाउँछन ।
रोप्छन,हुर्काउछन, फलाउँछन् अक्सिजन
त्यसैले मुटुभन्दा प्यारो ठान्छन मेरा बा
यो पहाडलाइ, यो देशलाइ ।

Comments

सम्पर्क माध्यम

khasskhass@gmail.com
Share |