हालसालैका लेखहरु : आव्हान,(रजनी श्रेष्ठ) ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री)

जिवन सार

बिनोद खड्का, , ((दोहा, कतार ))

कहाँ पुगेर टुट्दछ
कहाँ पुगी रोकिन्छ
खै बाँकी के नै रहला
जीन्दगी यो केवल
उडिरहेको चंगासरी
चुँडिन्छ, सकिन्छ ।

चुँडिन्छ कि कसो
नखुल्दै देहहरु
चेतनाका लहरहरु
“म” मा नै सकिन्छ कि कसो
यी देहलिलाहरु
“हामी” नबन्दै बिलाउँछ कि कसो
ज्ञानका पानाहरु ।

चुँडिन्छ कि कसो
नबुझ्दै
जीवनका यथार्थहरु
भोक र रोगका आघातहरु
पीडा र क्रन्दनका आवाजहरु
नसिक्दै
“हामी” का भावनाहरु ।

चुँडिन्छ कि कसो
नबाँड्दै
ती पिडाहरु
रोकिन्छ कि कसो यो देहलिला
नमेट्दै
असमानताका खाडलहरु
बुद्धि र विवेकका अभावहरु

चुँडिन्छ कि कसो
नभेट्दै
विश्व शान्तिका चाहनाहरु
बाँच्नुका सारहरु ।

कहाँ पुगेर टुट्दछ
कहाँ पुगी रोकिन्छ
खै बाँकी के नै रहँला
जीन्दगी यो केवल
उडिरहेको चंगासरी
चुँडिन्छ, सकिन्छ ।


२ जनवरी २०१४, बिहिबार, ।

Comments

सम्पर्क माध्यम

khasskhass@gmail.com
Share |