अधुरा सपना
सुशिल शाह, (कुपण्डोल, ललितपुर )
हिजो रानीबनमा
चक्रेको
एक गोरुलाई बाघ लाग्यो
अब कस्ले जोतिदिन्छ
उस्को–
असारको खेत
र कसरी रोप्छ
एक मुठी धान
र कसरी पुरा हुन्छ
अब उस्को
दुई छाक खाने सपना ।
अबैध बसेको भनेर
माइलो
बिदेशबाट लखेटियो
अब कस्ले दिन्छ
उस्लाई–
यहाँ नोकरी
र पालिदिन्छ
उस्का दुई छोराछोरी
र कसरी पुरा हुन्छ
अब उस्को
श्रीमतीको मंगलसुत्र निखन्ने सपना ।
सहर वेबस्थित पार्ने भन्दै
सुन्तलीको
फुटपाथे पसल खोसियो
अब कस्ले किनिदिन्छ
उस्लाई–
एउटा नयाँ पेटिकोट
र दिन्छ
बिरामी पर्दा औंषधि
र कसरी पुरा हुन्छ
अब उस्को
छोराछोरीलाई जसोतसो पढाउने सपना ।
बन्द–हड्तालले गर्दा
सन्तेले
टेम्पु चलाउन पाएन
अब कस्ले पिलाउँछ
उस्लाई–
साँझपख, एक गिलास रक्सी
र खुवाउँछ
उस्को जहानलाई एक गास भात
र कसरी पुरा हन्छ
अब उस्को
यो दसैं राम्रोसँग मनाउने सपना ।
सम्पर्क नं: ९८४३५९८८९१
