समय उदघोष
निश्चल काउचा, (हाल: दक्षिण कोरिया)
निस्सार छ देश
गिज्याई रहेछ
सुनसान सडक
गिज्याई रहेछ
सुन्य आकाश
बर्दीधारी बुटको आवाज
र
खोलाको गीत
खाएन मेल
सुनियो कर्कश
बुढो पहाडको हुकाँरले
घना वृष्टि हुदैन
महोदय
घना वृष्टि हुन
भ्यागुताको ट्वार-ट्वार
आवाज चाहिन्छ
अब
बुढो घोडाको टापले
कसैको मुटुमा ध्याङ्ग्रो ठोक्दैन
नस्ल चेतन युगमा
माखेसाङ्लो र जंजिरले
युगीन बस्तीहरू बाँधिन सक्दैनन्
स्वाधिन युगको मोचन भैसक्यो
पहिलो घामको झुल्कोले
गह्रा , आलीहरूमा
र
झुपडीहरूमा
उदघोष लाली पोत्दै
पखेटा फिजाई सक्यो
महोदय
अब
बुढो पहाडको गर्जनले
घना वृष्टि हुदैन
