सिमसिम सिमसिम पानी परिरहेको अवस्था ,त्यसमा झन् चाडवाडको समय, नरेलाई आज निद्रा परेन| चुहिएको खरको छानो त्यसमा नि डाँडाको घर, नरे चिन्ताले एकदमै व्याकुल थियो| ऊ एउटा हलुंगेको भाडा लिएर पानीका थोपाहरु लाई समेट्ने कोसिसमा थियो| नक्कलीपनि आज कामबाट फर्केकी छैन, सायद आज मुख्याबाकोमा धेरै पाहुना जम्मा भएका होलान् र भाडा सफा गर्दागर्दै ढिला भएको| नरे बाहिर भित्र गरिरहेको थियो, लाग्थ्यो ऊ कतै जान नपार तड्पी रहेको थियो| घरमा स्वास्नी नभएको मौका पारी नरे मूल ढोका ढप्कार भिज्दै भिज्दै बेसीतिर लाग्यो| बेसी झर्नु नरेका लागि कुनै नौलो कुरा होइन| नक्कलीसंग झगडा पर्दा होस् या त गरिबीको चिन्तामा होस् ऊ बेसीतिर झरेकै हुन्छ| tent weddings

बेसी नरे जस्ता गाउँका अरु पुरुषकालागि स्वर्ग नै हो| गाउँकै ठुलो भट्टी र ताशको अड्डा बेसीमा छ| वर्षैभरि जुवाताश चल्ने वेसीमा चाडवाडको समयमा त झन् मान्छेको, त्यो नि ठेट्ना केटाहरुको बढि नै मात्रामा उपस्थिति हुने गर्छ| बेसीको मुटु भने भट्टीकी कान्छी हो| गोरो मुहार, मिलेको शरिर त्यसमाथि लजाउदै बोल्ने बानी; कान्छीको हावभाव मै wedding tents for sale ज्यान फाल्ने बेसीमा हजार भेटिन्छन्| ग्लासमा लोकल रक्सि राख्दा होस् या भुटेको बंगुरको सुकुटी  ग्राहकलाई दिंदा होस् कान्छीमा एक अलगै किसिमको फुर्ति देखिन्थ्यो| नसालु नजर, रेशमी कपाल र मिलेका दन्त लहरले कान्छीको व्यक्तित्वमा झनै निखार प्रदान गरिरहेको थियो| बाहिरी रुपमा जे भएनी भित्री रुपमा भने कान्छी एकदमै कम्जोर बन्दै गइरहेकी थिई आजभोली| एक्लो ज्यान र छताछुल्ल भै पोखिरहेको यौवन भइकनपनि आजसम्म घरबार नहुनुले कान्छी भित्रभित्रै जलिरहेकी थिई| आफू संगैका साथीहरुले लालाबाला लिएर हिँडेको देख्दा कान्छीलाईपनि इच्छा जाग्नु स्वाभाविक थियो तरपनि मन मिल्ने जीवनसाथी उसले आजसम्मपनि भेटाएकी छैन|

भट्टीमा आज धेरै मानिसहरुको उपस्थिति छ| कान्छी टेबलफ्यानको हावा खाँदै कुर्सीमा बसीरहेकी थिई| ऊ गम्भीर भइ केहि सोचिरहेकी थिई| भट्टीको एउटा कुनामा नरेले आफ्नो आसन जमाएको थियो| ऊ  केवल कान्छीलाई एकहोरो नियाली रहेको थियो| ऊ पनि गाउँका अरु ठिटाझैँ कान्छीको रुपमा मोहित थियो| कान्छी पनि घरीघरी नरेलाई पुलुक्क हेर्थी र मुस्कुराउँथीoutdoor exhibition tents | यो हेर्दा लाग्थ्यो कि दुई प्रेमी एकापसमा लुकामारी खेलिरहेका छन्| धेरै दिन अघिबाट नरे कान्छीलाई केहि भन्न खोजिरहेको थियो तर भन्न सकिरहेको थिएन| लोकल रक्सीको तीन पेक चिरिप्पा पारेर नरे कान्छी बसेनेर गयो| कान्छी नरेको सामिप्यताले निकै खुसी भई| धेरै दिन अघिबाट ऊ यो सामिप्यताको प्रतिक्षामा थिई|

आफ्नो सम्बन्धलाई दाउमा राखेर नरे कान्छीलाई विवाहको प्रस्ताव राख्यो| कान्छी अकमक्क परी, केहि बोल्न सक्ने अवस्थामा रहिन ऊ| उसको स्मृतिमा केवल नरेले विवाह प्रस्ताव राख्दा बोलेका  शव्दहरु छताछुल्ल भइराखेका थिए “कान्छी म तलाई एकदमै माया गर्छु, के मसंग विवाह गर्छेस्?”| उसलाई निर्णय दिन गारो भयो| एकापट्टी आफूले मन पराएको व्यक्ति अर्कापट्टी नक्कलीको घरवार, उसलाई फसाद पर्यो| नक्कली कान्छीको सानैदेखिकी साथी; नक्कली घरको ढु:ख सबै कान्छीलाई नै पोख्ने गर्थी| कान्छीपनि भविष्यमा राम्रो होला, नरे दाइले काम पाउनु होला र सुखसँग राख्नु होला भन्दै नक्कलीलाई सम्झाउने गर्थी| आज भने ऊ आफै दुई लोग्ने स्वास्नीको बिचमा आउन पुगेकी छे| नरेलाई ऊ असाध्य माया गर्छे तर  आफ्नो साथीको खुसी छताछुल्ल भएको हेर्न सक्दिन थिई| त्यसैकरण उसले नरेको विवाह प्रस्तावलाई ठाडै अस्विकार गरिदी| पूरा भट्टी कान्छीको चिच्याहाटले गुन्जयमन भयो; ”पात्येको जंड्याहा! एउटी स्वास्नीलाई त मुखियाकोमा बन्दकी राख्या छस् मलाई के खुवाएर पाल्छस्? म तँलाई मायासाया केहि गर्दिन| आफ्नो स्वास्नीलाई त खुसी दिन नसक्ने जंड्याहाले मलाई ताक्ने; तँ गइहाल मेरो यो भट्टीबाट, गइहाल|”
नरे छाँगाबाट खसेझै भयो| रातको दुई बजिसकेको थियो| नरेले बल्ल नक्कलीलाई सम्झियो| ऊ खुट्टा टेक्ने अवस्थामा थिएन| कान्छीको एक बोली उसकालागि अमृत सावित भयो| उसले नक्कलीसँग बिताएका सुखदु:खका पलहरुको सम्झना गर्यो| पानी रोकीई सकेको थियो| कुकुरको भौभौले गुन्जयमन थियो वेसी| नरे एक्लो थियो,उसका आँखामा केवल कान्छी र कान्छीका भनाइहरु छछल्कि रहेका थिए| उता कान्छीपनि मनमा गुम्सिएका भावनाहरु अस्रुधारामा समेटी राखेकी थिई| उसलाई असह्य भयो र राती नै वेसी छाडेर गई| नरे जसोतसो घर पुग्यो,नक्कली ढोकामा नरेलाई कुरेर बसिरहेकी थिई| स्वास्नीको यस्तो मायाले ऊ भक्कानिन पुग्यो| नरेलाई प्रेम नपाउदाको पीडाको आवास अघिनै भइसक्या थियो| नक्कलीले बेसुमार माया गर्दापनि आफूले घृणा मात्र दिएकोमा उसलाई आत्मग्लानी भयो| उसले नक्कलीसँग माफी माग्यो र भोलीबाट आफूपनि काम खोजि हिड्ने प्रण गर्यो| आफूले प्राणभन्दा बढी माया गर्या मान्छेको यो भनाइले नक्कलीका आँखा रसाए| नरे नक्कलीको  काखमा अघि नै निदाइ सकेको थियो| नरेको कपाल मुसार्दै नक्कलीले पनि पुरा रात काटिदिइ| बिहान नरे काम खोज्न सहरतिर हान्नियो, नक्कली सदा झै मुखिया बाकोमा काम गर्न हिंडी|  बेसी भने सुनसान थियो,सायद सबैलाई हसाउने कान्छी नभएका ले होला|