लाइक
समीर हरि शर्मा, (काठमाण्डौं)
भगवानप्रति श्रद्धा भए लौ चढाउनुस लाइक,
देशप्रति श्रद्धा भएपनि चढाउनुस लाइक ।
आजको दिन शुभ हुनेछ दिनुस एक लाइक,
एक लाइकमा मनोकामनापूर्ण, फ्रिमा छ लाइक ।
धर्मप्रति आस्था होस् नहोस् लाइक ।
वर्षाकालको मेघ जस्तो उर्लेको छ लाइक ।
आस्था भन्ने देखाउनलाइ मात्र हो र लाइक ?
नेपालीको बुद्धि बरु सपारी देउ न लाइक,
मिलेर अघि बढ भनि हकारी देउ न लाइक ।
धर्म भन्दा कर्म ठूलो सिकाइ देउ न लाइक,
एउटा अर्को बुद्घ फेरी झिकाइ देउ न लाइक ।
कठिन घडीको तिमीलाई सामना छ लाइक,
तिम्रो उत्तरोत्तर प्रगतीको कामना छ लाइक ।