हालसालैका लेखहरु : आव्हान,(रजनी श्रेष्ठ) ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री)

धेरै भो.....

निलम 'स्पन्दन', (सुनसरी, पाँचकन्या हाल: दोहा कतार)

आजभोलि पहिलेजस्तै नकोरेको धेरै भो
सपनीमा तिम्रो नींद नचोरेको धेरै भो
कुरा गरी दिलको प्यास मेट्न
दाउरा चोरी सँगै बसी आगो नजोरेको धेरै भो ।
 
झझल्कोमा तिमी आउँदा नरोएको धेरै भो
लुकिडुम खेल्ने बतासले नि नछोएको धेरै भो
छाँया बनी अतीत आउने यी नयन
निर्मल जलरुपी आँशुले नधोएको धेरै भो ।
 
पाईला अघि सरेपनि यात्रा नभाको धेरै भो
फोटो छ सिरानी मै तैपनि याद नआको धेरै भो
तिमीले पो बिर्सेर गएर हो कि 
मैले नै माया मारेको हो थाहा नपाको धेरै भो ।
 
पहिले झैं सपनीमा नबोलेको धेरै भो
चिठ्ठिमा नि दिलको बात नखोलेको धेरै भो
समय परिवर्तन भएर पो हो कि
पत्र नकोर्दा नि ह्दय नपोलेको धेरै भो ॥

सपनीमा तिम्रो नींद नचोरेको धेरै भो
आजभोलि पहिलेजस्तै नकोरेको धेरै भो …
 


 

Comments

सम्पर्क माध्यम

khasskhass@gmail.com
Share |