हालसालैका लेखहरु : आव्हान,(रजनी श्रेष्ठ) ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री)

साहसिक यात्रा

सुशिल शाह, ( )

सोच्दै...

पाइला चाल्नु पर्ने

त्यसमाथि झन्

सधैं उकालैउकालो

आहो ! कति मुस्किल साँच्चै

हिमाल चढ्न

 

बाटोछेकी बसेका

हिउँका डरलाग्दा चट्टान

अनि मौकाछोपी बसेको

त्यो हिउँ पहिरो

आहो ! कति मुस्किल साँच्चै

हिमाल चढ्न

 

उडाएको जस्ले थाहै नदिने

त्यो चोर बतास

र जहाँको त्यहीँ जमाइ राख्ने

त्यो शुन्य तापक्रम

आहो ! कति मुस्किल साँच्चै

हिमाल चढ्न

 

थकाइ मेट्न बाटोमा

कतै हुँदैन चौतारो

प्यास मेट्ने बाटोमा

न कुनै धारो

आहो ! कति मुस्किल साँच्चै

हिमाल चढ्न

 

भेटिन्छ या भेटिदैन लक्ष्य

के ठेगान ?

बाँचिन्छ या मरिन्छ कतै

के ठेगान ?

आहो ! कति मुस्किल साँच्चै

हिमाल चढ्न

 

हिमाल चढ्नु

त्यसैले

साहसिक यात्रा हो

र हो

सायद,

जीवन बाँच्नु पनि ।

 

Comments

सम्पर्क माध्यम

khasskhass@gmail.com
Share |