समय
निश्चल काउचा , (छङ्जु, दक्षिण कोरिया )
समय आफ्नै गतिमा दौडिरहेछ
सेकेण्ड, मिनेट, घण्टा गर्दै
आफ्नै आयु घर्कीरहेछ/ घटीरहेछ
म भ्रममा बाँचिरहेछु
भित्ताका पात्रोका पानाहरु पल्टाई रहेछु
समय परिबर्तनशिल छ
समयले कसैलाई पर्खदैन
समयको गतिसंग म हिडन सक्दिनं
म आफैलाई ! धिक्कार्छु
थुईक्क मेरो 'अभागी' जिन्दगी |
म आफ्नै ईमानको निर्मम हत्या गरेर
आफ्नै स्वाभिमान बेच्छु
झुटको खेती गर्छु
घमण्डको पहाड उक्लिन खोज्छु
समय भन्छ !
थुईक्क तँ भ्रममा बाचिरहेछस्
धेरै तुजुक नगर
तेरो धुलिसात हुनेछ
ईतिहासले तेरो धज्जी उड़ाउने छ
भावी पुस्ताले धिक्कार्ने छ्न्
पाप, धर्मको त अलिकति ख्याल गर !
अहँ
मलाई कुनै पश्चाताप छैन
न त आत्मग्लानी नै
म समयलाई उल्टै भन्छु !
के को पाप धर्मको कुरा
जसले गर्छ पाप ! उसकै हुन्छ फलिफाप |
तर ......
मलाई थाहा थिएन
समयले चेतना फैलाउँछ, छर्छ भनेर
ध्रुवसत्य रहेछ !
समय बलवान रहेछ |
समयलाई चिन्न सक्नुपर्छ
समयसंगै हिडन सक्नुपर्छ
तुजुक नगरे राम्रो !
पछि ब्यर्थ पछुताएर के फाईदा ?