हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

गिनिज बुकमा मेरो माया

कृष्ण कटेल, (ओखलढुङ्गा, हाल-काठ्माण्डौं)



चरा जस्तै यदि म उड्न सक्थें भने
मन भित्रको याद र पीडा देखाउन मिल्थ्यो भने
म उड्नेथें उनी प्रतिको याद र माया देखाउन
पवित्र मायाभित्र पनि यति धेरै पीडा मोलिएको देखेर
दुनियाँ छक्क पर्ने थियो
अनि लेखिने थियो गिनिज बुकमा मेरो नाम
संसारको सबैभन्दा चोखो माया गर्ने अभागी मायालु भनेर ।

म उडिरहँदा
हावाले पर पुर्‍याउने थियो मेरो मनमा दन्किएको आगो
दन्किरहेको आगोमा 'पानको पात' आकार भित्र
उनको नाम र तस्वीर सुरक्षित देखेर
झनै छक्क पर्ने थिए सारा
अनि बनाउँथें होला अर्को किर्तिमान !

म पुग्ने थिएँ
हरेक पहाड, पाखा, घर, झुपडीहरूमा
मेरो प्रेमकथा बोकेर
कुनै एकदिन उनको घरमा पुग्नेथिएँ
मेरो त्याग अभियान र समर्पण देखेर
उनको मनमा सहानुभूतिको भाव पलाउँथ्यो कि?

Comments

सम्पर्क माध्यम

khasskhass@gmail.com
Share |