गजल
हरि पौडेल, ((नेदरलैंड))
हिलै हिलो बिच पनि कमल फुल्ने गर्छ
काँढै बिच रही गुलाफ सुगन्ध छर्ने गर्छ
कोइलीको सुरिलो स्वर बिछोडको दर्द हो कि
भवँरा त निर्मोही हो फूल बदल्ने गर्छ
रविको प्रचण्ड तापले डढेछ कहीँ आफैं
प्रितम कहीँ दियो भए पुतली जल्ने गर्छ
झरनाको बेग कहीँ पहाड रोएको हो कि
बोझ भए त्यहाँ अति पहिरो पर्ने गर्छ
मौसम पनि थकित भए चोला फेर्दाफेर्दै
फूल फुल्छ वसन्तमा शिशिरमा झर्ने गर्छ ।
Comments
Hari Paudel
मेरो रचनालाई स्थान दिनु भएकोमा खसखस परिवार प्रति आभार प्रकट गर्दै धेरै धेरै धन्यवादका साथै नया बर्षको हार्दिक मंगलमय शुभकामना टक्र्याउन चाहन्छु।