हालसालैका लेखहरु : आव्हान,(रजनी श्रेष्ठ) ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री)

यौटीको देउता

रमेश खकुरेल, (काठमाण्डौं)


भतिजा आज मैले के यस्तो सुन्नु प-यो कुरा
सुनेदेखि यहाँ छाती घोच्न थाल्यो तिखो छुरा ।

घरबार नयाँ अर्को जोड्न थाल्यौ अरे तिमी
यो देख्नुभन्दा पहिले किन फाट्तैन यो जिमी ।

म ठान्दथेँ तिमी धेरै ज्ञानी छौ बुद्धिमान् पनि
जानी जानी पाशभित्र पार्दैछौ किन जीवनी ।

दुई डुंगाभित्र खुट्टा हाली कोशी तरूँ भनी
थालेमा छुट्टिँदा डुंगा के होला भन ता अनि ।

ऋण छैन भनेदिखि जमानी भैदिने गर
झगडा छैन घरमा श्रीमती दुइटी भर ।

त्यस्ती लच्छिनकी राम्री बुहारी घरमा छँदै
अर्कीको लोभ के गर्छौ तिम्रो बुद्धि कहाँ छ खै ।

न यताका तिमी हुन्छौ न उताका हुने भयौ
हरे शिव तिमी व्यर्थ बदनाम हुने भयौ ।

पहिले गुन लाएथे भन्ने चाहिँ नसम्झनू
अहिलेको लागि बल्छी हालेथे यो नबिर्सनू ।

धुरी चढ्ने कुरा छाड तिम्रो हात्ती घरै छ नि
दुईको लठुवाभन्दा यौटीकै देउता धनी  ।

Comments

bina

Very nice Gajal Brother keep it up , God bless you

सम्पर्क माध्यम

khasskhass@gmail.com
Share |