हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

स्वदेशको सम्झना

मोहन तिमिल्सिना, (काठमाण्डौं)

छ समीर छ बाग चञ्चल

छ फुली फूल समस्त मग्मग

विचरा बचरा चराचर

जति सम्झौं उति शान्त त्यो घर ।१।

 

न त सद्‍म कुनै छ खल्बल

न छ फुट्ने जुटने परस्पर

छ अनन्त स्वभाव भावको

रस मानौं नव स्वाद-स्वादको ।२।

 

नब जून छरिन्छ रातमा

रविको रूप छ त्यो प्रभातमा

छहरा पहरा र भीरको

छ कथा त्यो कति शान्त धीरको ।३।

 

छ गुराँस पहाड खोंचमा

फल फल्ने लटरम्म बोटमा

भमरा अनि माहुरीहरू

रस भर्छन् नि वसन्तका तरु ।४।

 

छ वयस्क प्रफुल्ल गोठमा

युवती छन्‍ रसपूर्ण  ओठमा

छ कटाक्ष दुरुस्त शावक

मधुमाधुर्य समान भावक ।५।

 

छ असार किसान शानको

छ त रोप्ने जति खेत धानको

अव ती सब भैसके कथा

म त भोग्दै छु विदेशको ब्यथा ।६।

 

पिङ छैन दशैंतिहारमा

न छ टीका सव ती निधारमा

सपना विपना र मानमा

नव निर्माण स्वदेश कामना ।७।

 

 

Comments

सम्पर्क माध्यम

khasskhass@gmail.com
Share |