हरिको नाम लिनु
हरि पौडेल , (नेदरलैंड )
कर्म गरि गरि थकित भएमा
आडम्बर देखि व्यथित भएमा
संसारैबाट दु:खित भएमा
हरिको नाम लिनु
लोभ लालचले आकर्षित गर्ला
माया मोहको जालमा पर्ला
जति गरे पनि दु:ख न टर्ला
हरिको नाम लिनु
जताततैबाट आपत आउला
रोग ब्याधको बादल छाउला
उम्किने कतै बाटो नपाउला
हरिको नाम लिनु
मरुभूमिमा पानी नपाए
दुष्टहरुले अथाह सताए
भवँरमा फसी न उम्किन पाए
हरिको नाम लिनु
सुख: शान्ती सबै उडेर जाला
शरीर मती सबै धमिराले खाला
बुद्धि विवेकको बन्द होला ताला
हरिको नाम लिनु
Comments
Bishwa R. Adhikari
I liked it.
