धर्काको बृहतताबाट !
दिवाकर स्वप्नील, (चारपाने-4 झापा ।)
बाङ्गिदै र काटिदै देशान्तर खप्टिएर अक्षांशमा - कोण-कोण बनाउँछ धर्का ! रिडियस काटिएर अर्धबृतमा , मापन गर्छ जिन्दगीका स्केल से.मी र मि.मि मा ! सरल रेखा हुँदै क्यानभासमा रेखैरेखा खप्टिएर कैलै त्रिभुज कैले एकान्त कोण र कैले दानव कैले मानवका आवरण ? उफ् ह्याङ ओभर साध्य र विलोममा रेखाभित्र हराउँछ जीवन ! ओहो ! कति सहजै कोरिदिन्छ विश्व - मेरो, तिम्रो, उनका नाम र भिन्न कथाहरू ! हिजो खेलेका हौ सँगै - आसपास, भाँडाकुटी, बेहुलाबेहुली ! त्यो सानो खुट्टो कोर्थ्यो बालुवाको छातीमा- किचन रुम ,सिटिङ रुम, बेड रुम र बाथ रुम ! मरुभूमिको छातीमा फुल्थ्यो सुन्दर जीवन । एकएक छिनमा बेहुली, मीस र आमा धर्काभित्र! बेहुला ड्राइभर अनि डाक्टर अटाउँथ्यो । भुलुक्क पानीको फोका झै एक धर्को छालले फुस्स धूमिल धूमिल धर्का ! एकैछिनमा बिलाउँथ्यो मरुभूमीबाट त्यो रोमान्स ।
जीवनका बृत्त र अर्धबृत्तमा