हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

धर्काको बृहतताबाट !

दिवाकर स्वप्नील, (चारपाने-4 झापा ।)


जीवनका बृत्त र अर्धबृत्तमा

बाङ्गिदै र काटिदै

देशान्तर खप्टिएर अक्षांशमा -

कोण-कोण बनाउँछ धर्का !

 

रिडियस काटिएर अर्धबृतमा ,

मापन गर्छ जिन्दगीका स्केल से.मी र मि.मि मा !

सरल रेखा हुँदै क्यानभासमा

रेखैरेखा खप्टिएर

कैलै त्रिभुज कैले एकान्त कोण

र कैले दानव कैले मानवका आवरण ?

 

उफ्

ह्याङ ओभर साध्य र विलोममा

रेखाभित्र हराउँछ जीवन !

ओहो ! कति सहजै कोरिदिन्छ विश्व -

मेरो, तिम्रो, उनका

नाम र भिन्न कथाहरू !

 

हिजो खेलेका हौ सँगै -

आसपास, भाँडाकुटी, बेहुलाबेहुली !

त्यो सानो खुट्टो कोर्थ्यो

बालुवाको छातीमा-

किचन रुम ,सिटिङ रुम, बेड रुम र बाथ रुम !

मरुभूमिको छातीमा फुल्थ्यो सुन्दर जीवन ।

एकएक छिनमा बेहुली,

मीस र आमा धर्काभित्र!

बेहुला ड्राइभर अनि डाक्टर अटाउँथ्यो ।

 

भुलुक्क पानीको फोका झै

एक धर्को छालले फुस्स

धूमिल धूमिल धर्का !

एकैछिनमा बिलाउँथ्यो मरुभूमीबाट त्यो रोमान्स ।

 

Comments

सम्पर्क माध्यम

khasskhass@gmail.com
Share |