हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

आमा

रमेश खकुरेल, (काठमाण्डौं)


भएँ सत्तरीको अझैसम्म काहीं

कुनै दु:ख वाधा परेमा मलाई
बढी वेदनाले जहां पर्छ धामा
अनायास नै भन्छु ऐया नि आमा ।

थिएँ एक टुक्रो म तिम्रै झरेको
थिएँ किन्तु तिम्रो म आत्मै बनेको
पिलाई ममा वक्ष पीयूष धारा
बनेकी थियौ एक मेरो सहारा ।
 

मलाई दुखे आँसु तिम्रो बहन्थ्यो
म हाँसे तिमी चित्त खोलेर हाँस्थ्यौ
गराएर ताते मलाई हिँडायौ
बसी भोकभोकै मलाई खुवायौ ।
 

मठूलो र जान्ने धनी होस् भनेर
ग-यौ प्रार्थना नित्य माला जपेर
दियौ स्नेह केही नराखेर आशा
भन्यौ होस् म तोला बनेँ किन्तु मासा ।

नजान्दा महत्ता अवज्ञा गरेथेँ
तिमी मात्र सामान्य झैँ सम्झिएथेँ
गुम्यौ आज के हौ तिमी थाह हुन्छ
तिमी सम्झँदा चित्त कल्पेर रुन्छ ।

तिमी आज छैनौ म खोजेर हिँड्छु
दिदीमा र बैनीहरूमा म भेट्छु

कतै नाक आँखा कतै केश देख्छु

म तिम्रो यही रूपमा ढोग गर्छु 

Comments

सम्पर्क माध्यम

khasskhass@gmail.com
Share |