हालसालैका लेखहरु : आव्हान,(रजनी श्रेष्ठ) ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री)

गजल

अमृत सुबेदी गुराँस, (तनहुँ)

भित्तामा मर्नेहरुको तस्वीर झुण्ड्याइन्छ
अनि देशको गौरव इतिहास पढाइन्छ

यो यस्तो कृषिप्रधान देश हो की जहाँ
कुटोकुदालो भन्दा धेरै मसाल समाइन्छ

मुख्य कार्यालयहरुमा लेखियोस् की बरु
यहाँ मात्र विकासका योजना बनाइन्छ

बोलेर देश चलाउनेवाट धम्की आएको छ
अब लेख्नेहरुको पनि अस्तित्व मेटाइन्छ

साना नानीहरुलाई एकाविहानै झोलामा
ठूलो भविष्य वोकाएर स्कुल पठाइन्छ

किसानका नेतालाई यति त थाहा होस्
कुन समयमा कुन वाली लगाइन्छ

मेरा प्रिय मित्रलाई थाहा छ यो 'गुराँस'
साँझ परेपछि कहाँ कुन भट्टीमा पाइन्छ

Comments

Ashroo

Bado samasamayik ra marmik ghazal chha, saral bhashama apthyaro byanga prahar gariyeko chha i like it..keep going on...

prem

gajab chha gagal tara k garne sir sabai bhaisi ka Aagadi band baja bajayako jasto matra hunchha.

सम्पर्क माध्यम

khasskhass@gmail.com
Share |