हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

काठमाडौं

शरद निरोला , (मेरिल्याण्ड (अमेरिका))


यो कोलाहलले ग्रस्त भएको शहर

कोलाहलमैं यसको जिन्दगी छ

कोलाहलका निम्ति मरिमेट्ने यसको आत्मा

कोलाहल नभए मरेतुल्य छ

 

बिहानीको प्रथम प्रहरमा जुर्मुराउने शहर

दिउँसो दस बज्दा नबज्दा लथालिंग छ

सहस्रौं वाहनका अतिरन्जित कोलाहलले

बहिराहरुको संख्या बढाएको छ

 

दिउँसो त दिउँसो राति पनि उत्तिकै छ

टोलभरिका कुक्कुरले एकैसाथ भुक्ने परम्परा छ

दिउँसो कोलाहल राति कोलाहल सधैं कोलाहल

सम्पूर्ण जीवनभित्र  नै कोलाहलको परिवेश छ

 

समाजमा कोलाहल राजनीतिमा कोलाहल

सत्ताको हानथापको लागि अर्कै कोलाहल

शिवपुरीको टुप्पाबाट नियालेर हेर्नुहोस् त

सम्पूर्ण काठमाडौंभित्र हलाहल नै हलाहल

 

 

११.०२.२०१२ 

 

 

Comments

सम्पर्क माध्यम

khasskhass@gmail.com
Share |