हालसालैका लेखहरु : उड्ने रहर छ,(उमा शर्मा ) तब पो दशैं आउँथ्यो,(गोतामे साँहिलो) नाप्नै सकिएन ,(रजनी श्रेष्ठ) धेरै सिकायो यो कोरोनाले,(उमा शर्मा) गिद्धहरु रमाउँदैछन्,(बासु श्रेष्ठ) आव्हान,(रजनी श्रेष्ठ) ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं )

गजल

निकुञ्ज तिवारी, (सउल, दक्षिण कोरिया)


मेरो देशको हाँसो आज आँसुमा अनुवाद भएको छ
माटोको महिमामा पथ्थर पग्लिदै पग्लिदै रोएको छ ।

भोका नाङगा वस्तीभित्र आतङ्कित भूत नचाउदै
हिंसाको पहाडले आज सगरमाथा छोएको छ ।

शान्त, समृद्ध र सुन्दर स्वाभिमानी मेरो देश
लथालिङग, भताभूङग जताततै खलवलिएको छ ।

विकृति, विसङ्गती र अत्याचारले सिमा नाघ्दा
देश छाडि सिंगो समाज जिउन परदेश गएको छ ।

सभ्यताको विकाससंगै विश्व आज कहाँ पुग्यो
खै, कसलाई के था’ यो राष्ट्र के मा अल्झिएको छ ।

Comments

ashafalgautam

समय सान्दर्भीक गजलको लागि धन्यवाद निकुञ्ज जि राम्रो छ

सम्पर्क माध्यम

khasskhass@gmail.com
Share |