हालसालैका लेखहरु : उड्ने रहर छ,(उमा शर्मा ) तब पो दशैं आउँथ्यो,(गोतामे साँहिलो) नाप्नै सकिएन ,(रजनी श्रेष्ठ) धेरै सिकायो यो कोरोनाले,(उमा शर्मा) गिद्धहरु रमाउँदैछन्,(बासु श्रेष्ठ) आव्हान,(रजनी श्रेष्ठ) ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं )

खै म कसको लागी बांचेको छु ?

दिपक पुडासैनी, (डांछी २ काठमाण्डौ, हाल: दोहा,कतार)

स्वास चलिरहेको छ बांचेकै छु जस्तो लाग्छ
आफनो जिबन आफैलाई मुल्य बिहिन सस्तो लाग्छ  ।

सेवा गर्नुपर्ने मैले मातृभुमी जननी को
आफनो रगत बिदेशीलाई सुम्पीसकेँ जस्तो लाग्छ  ।

उमेर छ जवानी छ एक्लो जिबन परदेशमा
जोस जांगर बिदेशीलाई अर्पीसकँे जस्तो लाग्छ  ।

मायां गर्छु तिमीलाई भनी संगीनीलाई छोडी आएं
बिश्वास दिई घात मैले गरिसकेँ जस्तो लाग्छ  ।

सुख तिमीलाई दिन्छु भनि छोरा छोरी छोडी हिँडेँ
टुहुरा झैँ अनाथ बनि हिडिसके जस्तो लाग्छ  ।

युवाजोस जवानीलाई देशको निम्ती पोख्न पाईनँ
माया खोज्ने सन्तानलाइ माया दिई बोक्न पाईनँ

आंशु झार्दै आंगन कुर्ने संगिनी छिन घरमा मेरी
मायां गर्दै काखमा लिई उनको आंशु रोक्न पाईनँ  ।

कमाइ केहि भयो होला दुई, चार पैसा परदेशको
साथीभाई गुमाइ सके मैले आफनो घर देशको  ।

अझै पनि आफुलाई बिदेशमा नै साँचेको छु
थाहा छैन खै म कसकोलागी आफु बांचेको छु  ?

Comments

सम्पर्क माध्यम

khasskhass@gmail.com
Share |