छेकेर छेकिन्न
रजनी श्रेष्ठ , (भर्जिनीया )
छेकेर छेकिन्न
कालो बादलको घुम्टोले
सुर्यको उज्यालोपन
छरी रहन्छ बादलको ओरिपरि
सेतो किरणका लहरहरु
आभास दिएर सुर्यको |
कोल्टा भित्र निराशाको
जन्मिन्छ आसका क्षितिजहरु
मानौ दुखको आंधी भित्र
लिएर संकेत सुखको
हुन्छ प्रत्यागमन
रात पछि दिनको
नियम हो यो प्रकृतिको
केबल खाँचो छ धैर्यताको
समयको गति भित्र
हट्नै पर्छ त्यो कालो बादल
बेगसंगै हावाको
निश्चित छ परिवर्तन
समयको बहावभित्र
हिजो आज भोलि बनेर
पतझरमा नांगिएका रुखहरु
लिएर नयाँ अभिलाषा पालुवाहरुको
बसिदिन्छ प्रतिक्षामा
सोचेर आगमन बसन्तको