सिता र फुल
रमेश खकुरेल, (काठमाण्डौं)
म भातका सिता खान्छु सीता पूजन गर्दछु
रङ्गीचङगी फूलहरू जम्मा पारी चढाउँछु ।
फुल खान्छु पकाएर स्वादले भातसाथमा
चढाएको फूल झिकी श्रद्धाले लिन्छु माथमा।
तिमी फूल चढा भन्छौ रामका मूर्ति सामुमा
यो कुरा कसरी मानूँ परेँ बिलखबन्दमा ।
बिना णको व्याकरणै तिमीले लङ्गडो गर्यौ
राम्रो दिशा बिर्सिएर के दिसातिर लम्कियौ ।
पुगेन के शकलले सकलै खान तम्सियौ
अमीलो अमिलोबीच भेद के पनि बिर्सियौ ।
ज्ञान छैन तिमीलाई ग्याँनले के बुझिन्छ र ?
लट्ठीले पशु हाँके झैँ भाषा हाँक्न सकिन्छ र ?
पहिले धर्म सिध्यायौ जातिको एकता टुट्यो
अब भाषा ध्वस्त पार्छौ तिम्रो नियत देखियो ।
सयौँ बर्ष लगाएर बनाएको थियो घर
अहिले ढाल्न खोज्दैछौ लगाई क्रूर डोजर
