हालसालैका लेखहरु : उड्ने रहर छ,(उमा शर्मा ) तब पो दशैं आउँथ्यो,(गोतामे साँहिलो) नाप्नै सकिएन ,(रजनी श्रेष्ठ) धेरै सिकायो यो कोरोनाले,(उमा शर्मा) गिद्धहरु रमाउँदैछन्,(बासु श्रेष्ठ) आव्हान,(रजनी श्रेष्ठ) ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं )

विस्मत, ठाकुको प्रेममा

मनु लोहोरुङ राई, (सितलपाटी - ६ संखुवासभा, हाल: - न्युयोर्क, अमेरिका)


ठाकु !
म रातो गुलाफको पाहुर बोकेर
तिमीसंग मुटु साट्न आउँदा
पोहोर परारको जस्तो
बैजनी रंगको कागजे फूल नहुनू है !
किनकि
मलाई नक्कली फूल मन पर्दैन,
र कुनैसंग कन्ट्रास नै नमिल्ने
जो कुनै निश्चित चेहराको बनौट
र मिलेमतोमा सुहाउने रङ मात्रै पनि मन पर्दैन |

ठाकु !
तिमीसंग
मेरो गुनासो भनौ कि बिस्मात ?
कि,तिमीले देखेको यो गुलाफ जस्तै
म सदियौं "I LOVE YOU" काँडाहरुसंग हाँसी रहेँ |
त्यसैले
म त यसपाली सबेरै उठेर चराहरुसंगै
बिहानी गीत गाउने विचार गरेको छु |
आकाश र धर्तीको सँघार देखि
उक्लेको सूर्य भन्दा अगाडी
समय बोकेर तिमीलाई डोर्याउदै-डोर्याउदै
म पर-पर पुग्दैछु |

उन्यु फुलेको समय र
गर्भमा हराएको मान्छे (तिम्रो प्रेमिका)
म  ऐन्द्रिक चेतनाले
अब 'जैविक जिजिविषा' जस्तो
आज उप्रान्त 'गुलाफ' देखि 'सल्लाको रुख' बाँच्छु |
कि प्रयोगमा सलाईको काँटी' बन्नु छ
अध्याँरो चीर्नु अगावै
एक काँटी आफू पहिले जल्न सकूँ |
हो त्यही उज्यालोमा संसारले तिमीलाई देखून्
र तिमीले  संसारलाई देख्नू-
मायाले...प्रेमले...सम्मानले !!!

mrlohorung@gmail.com

Comments

prakash sayami

Ramro cha manu Bahini 

सम्पर्क माध्यम

khasskhass@gmail.com
Share |