हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

ऊ र त्यो !

शिव प्रकाश, (बोस्टन, अमेरिका)

 

उसले उस्तै देख्यो

ऊ र त्यो !

 

हेर्यो,

धेरै हेर्यो

अन्ततः उस्तै देख्यो

मस्तिष्कका आँखाले पनि ऊ र त्यो !

 

एउटा मान्छे

त्यो एउटा पुच्छर !

 

दिव्य बाह्र वर्ष ढुङ्ग्रामा राख्यो

बाहिर निकाल्यो

फेरि उस्तै 

पहिले जस्तै

बाङ्गोको बाङ्गै

जस्ताको तस्तै !

 

जिउँदोमा

न लाज छोप्थ्यो

न झिँगा भगाउँथ्यो

तर हल्लिरहन्थ्यो

त्यो पुच्छर !

 

ऊ जस्तै त्यो

त्यो जस्तै ऊ

हिजो पनि उस्तै

आज पनि उस्तै

र, भोली पनि सायद उस्तै

कुकुरको त्यो पुच्छर जस्तै

जस्ताको तस्तै !

 

ऊ मान्छे हो

अझै आफूलाई

असल मान्छे भन्छ

, ठान्छममा जीवन जिउने कला छ !

 

ऊको पर्याय त्यो

त्योको पर्याय ऊ

ऊ हल्लिरहन्छ त्यो पुच्छर जस्तै !

 

(अश्रृंगार कविता अभियान)

फेब्रुअरी १०, २०११ 

Comments

सम्पर्क माध्यम

khasskhass@gmail.com
Share |