पाँच मुक्तक
अमृत सुबेदी गुराँस, ( तनहुँ, हाल- विग एफ एम पोखरा)
muktak 1.
धेरैले पराइ थोरैले मात्र खास वनाउँछन् ।
केबल मान्छेलाई जिउँदै लास बनाउँछन् ।।
प्रेममा त रमाउनुपर्ने किन् पट्पटाइरहेछ ।
लाग्छ प्रेमीहरुले पनि यहाँ दास बनाउँछन् ।।
muktak 2
कहाँ धर्म मन्दिर, मस्जिद, स्तुप भएर आउँछ ।
लाग्छ अब भगवान पनि कुरुप भएर आउँछ ।।
हार अवश्य हुन्छ, शक्तिले जब काम नगरेपछि ।
स्यालका सामुन्ने शेर पनि चुप भएर आउँछ ।।
muktak 3
खलनायक नायक मानिन्छ, चलन यस्तै छ ।
मरेछ जो उसैलाई मारिन्छ, चलन यस्तै छ ।।
धुमधामले चोकमा कसैको शालिक वनाइन्छ ।
जब वनाइन्छ शिर ढालिन्छ, चलन यस्तै छ ।।
muktak 4.
तिमी यो कस्तो काम गर्दैछौ ।
संयौं युवालाई जाम गर्दैछौ ॥
हजार छन् पैसा कमाउने तरीका ।
तिमी किन ज्यान लिलाम गर्दैर्छौ
muktak 5.
कस्ले मेरो घरको ढोका खोल्छ रातिराति ।
यस्तो गर्नुपर्छ भन्दै कवोल्छ रातिराति ॥
एक वेग्लै कल्पनाको सुन्दर संसारमा ।
घरिघरि चिमोटर पिरोल्छ रातिराति ॥
