गजल
मिथिला प्याकुरेल , (भरतपुर)
धरती, आकाश, जून, तारा कतै खोजेर मिल्ने भए
म चुन्थेँ मेरो भागको खुशी रोजेर मिल्ने भए
महाकवि भन्छन् 'उद्देश्य के लिनु उडी छुनु चन्द्र एक'
म पनि उज्यालो संसार सोच्थेँ, सोचेर मिल्ने भए
मेरो त छाक टार्ने सपना नून तेलको सपना
सपना कहाँ बन्थ्यो नून, पसिना बेचेर मिल्ने भए
यि हातका ठेला कहाँ उठ्थे नठगी ललाटका रेखाले
ए साथी ! तिम्रो जस्तै बनाउँथे यी रेखा काटेर मिल्ने भए
Comments
एकतारे
राम्रो गजल, काफियामा एकरूपता भए झनै राम्रो हुने थियो ।