हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

तिमि नहुँदामा

नर बहादुर दाहाल , (दार्जिलिंग )


तिमी नहुँदामा

के हुन्छ

हाल मेरो ?

हुँदैन हाल केही

बेहाल हुन्छ मेरो ।


तिम्रो उदासी

दिन

पल

महिना गर्दै

हेर

समय धेरै गइसक्यो ।

 

उदास देख्छु,

तिमीलाई सँधैं

तिमी नबोलेको

तिमी नहाँसेको

लाग्छ,

वर्षौं भइसक्यो

यसपालाको झरी

आऊ

भिजौं हामी

कसैले

नदेख्ने गरी...,!

हाम्रै निम्ति

परेको हो,

यसपालाको

यो झरी ।


मलाई सम्झनू

तिमी सँधैं

मेरै हौ

आफ्नोलाई

अब म के भनुँ ?

जसरी बितोस

दिन

तर

रातिको प्रार्थनामा

सँधैं मलाई सम्झनू ।

 

आँखा ओभाएनन्

जीवनमा

कति बोलाउँदा पनि

कोही आएनन् ।

 

भएकाहरू पनि

धेरै दिन

हृदयमा अटाएनन् ।

सँधैं गीत

एक्लै गाएँ

कसैले

स्वर मिलाएनन् ।

 

यसरी नै

व्यग्रतासित बित्दैछ दिन

यसैले

अझ पनि भन्छु

फर्क प्रिये !

तिमी गएदेखि

यी आँखा

कहिल्यै ओभाएनन् ।

Comments

shyam kumar majhi

i like your kabita,when i read  its touch my heart.its like a real event .

सम्पर्क माध्यम

khasskhass@gmail.com
Share |