हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

सोचाइ

हरि घिमिरे, (भर्जिनिया )


बालुवाभरि मनोकाङ्क्षा समेटेर

पोको पार्दे हिडेको ऊ

पर पुग्दा-हात रित्तै भएछ

वा पोको रित्तै भएछ

उसले दुखेसो मसँग पोख्यो

म पनि त त्यही शिकार भएको हुँ

के सल्लाह दिउँ?

के भनेर बुझाउँ?

उसलाई खाँचो छ-उत्साहको

सकारात्मक सोचको

मैले त येन-तेन मन बुझाएँ

तर ऊ कमजोर रहेछ

अनि बारम्बार घोषणा गर्छ-

रुख-नदी-भीर-दलिन

आगो-पेट्रोल-मेटासिन

भाग्न लागेको हो कि

जाग्न लागेको हो?

ट्यूनिशियाको हिरो

यस्तै घोषणाको साकाररुपमा

संसार जगायो

विश्व हल्लायो

सिनु जस्तै भएर के पलायन हुनु?

के मेटासिन खोज्नु?

Comments

सम्पर्क माध्यम

khasskhass@gmail.com
Share |