यो शहरहरुको देश
विपूर्ण तारा , ( )
यो शहरहरुको देश
जहाँ,
ब्यापार बढ्दो छ
बिलासी र घुम्ने कुर्सिको
चिन्ता छ कुर्सिकै
हरेक मान्छेमा
लुटको अखडा छ
–कुर्सि
यो शहर हरुको देश ।
तर मेरो शहर गाउँ छ–
शहर बनेको छ भाषणहरुमा
टुकिको उज्यालोले
भाषणको भेउ पाउदैन
तर बिजुलि बाल्छ बजेटमा
यो शहरहरुको देश
मेरो गाउँ,
कसैलाई भ्रष्ट भन्दैन
बरु आफु भोको भएर
यो शहरको देशमा
अन्न पठाउछ कुर्सिको पेट भर्न ।
तर ऋणी छ अविकसित हुनुमा
ऋणी छ परिश्रमी हुनुमा
र ऋणी छ शहर पाल्नमा ।
मेरो गाउँको देश ।
युरोपको भाषण मुखमा छ शहरहरुको
गाउँको मुख बाएको छ छाकमा
के थाहा पिडा शहरहरुलाई
गाउँ बिर्सेपछि
चर्को भाषण उसिन्ने बेला
गाउको गर्मि के था
एसिमा बटुलेको भाषणलाई ।
यो शहरहरुको देश
यहाँका शहरहरु गाउँ देख्दैनन्
गाउँमा साँझ परिसकेको छ
सबैमा निराशा छ
'अब जन्मिन्न कि त्यो ?
सबैको आशा —
सँविधान । डर छ –
यो शहरहरुको देशमा ।