मेरो माटोकी चेली
अनुज श्रेष्ठ \' प्रवास \', ( )
सखारै आफ्नो
सुनौलो विहान र घमाईलो दिन
खोज्न हिंडेकी युवती
निस्पट्ट अध्याँरो रातमा
छाम्छे आफूलाई आँसु र रगतमा
ब्वाँसाहरुबाट घेरिएकी,
ओबामा,ओसामा या
ओमनाथ जुनसुकैको
देशको सीमा भित्र पनि
ऊ प्रसाधन ,
भोक र विलासका
मेनुहरुमा सजिएकी हुन्छे
रेडलाइटका बन्द कोठाहरुबाट
चित्कार गर्दै ईश्वरसँग रुष्ट
मेरो माटोकी चेली
तथानाम् सराप्छे
आफ्नो जुनी र भाग्यलाई
किन बेच्छ आफ्नो भोक मेट्नका लागि
मान्छे कसैको विश्वासलाई ?