हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

प्रिय मान्छे

कला राई, (साङपाङ,भोजपुर, हालःहङकङ)

यो धर्तीको सवैभन्दा

नयाँ गीत गाएर

सम्झनाको सवैभन्दा पुरानो

प्रेम सन्देश बोकेर

उडिरहने प्रिय बादल

मेरो प्रियतमको अनुहार

आइरहन्छ आँखामा एकसाथ |

 

समयलाई चुनैति दिएर दौडने

इलेक्ट्रोनिक रेल

आकाशको रङ्ग सरेको

नीलो समुद्र

ठूला सुपर मार्केटका

विभिन्न लेटेस्ट मोडेलका

खाना, लुगा र आधुनिक उपकरण

कतै अडिदैन

टाइम स्क्वायरको

समय सूचक घडीमा समेत

यो मन |

 

पहाडका चौतारीमा

मिल्न आइपुग्ने

दूइतर्फी बाटाहरू

दुई नदीहरूको संगम

दुई फूलहरूको

उस्तै सुवास बोकेर

हिडिरहेछौ टाढाटाढा

एक्लाएक्लै हामी |

 

तर पनि

धर्तीको अर्कै कुनामा

उभिएको मेरो प्रियतम

तिमीलाई पठाइरहेछु

मेरो आँखाभरीको सपना

मेरो मुटुको रङ्ग मिसिएको माया

अनि

धर्ती र बादलबीच

फुलिरहने प्रेमको फूल ।

Comments

lxmi

kabita yekdam  man chhune lagyo.

सम्पर्क माध्यम

khasskhass@gmail.com
Share |