हालसालैका लेखहरु : ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री) ना....टक,(बासु श्रेष्ठ )

गजल

आचार्य प्रभा, (कोलोराडो)

नजानेको पापबाट को नै अछुत छ र यहाँ ?
जलनको तापबाट को नै अछुत छ र यहाँ ?

भन्ने गर्छन् मान्छेहरु दयावान बन्नु पर्छ
पापिष्टको छापबाट को नै अछुत छ र यहाँ ?

सकेसम्म पाइतालाले किरा पनि नमरोस
भन्ने मीठो धापबाट को नै अछुत छ र यहाँ ?

सोच यहाँ सबैको छ दया धर्म गरी बाँच्ने
असत्यको खापबाट को नै अछुत छ र यहाँ ?

मानव भइे जन्म लियौं मानवता अँगालौ न
यो बिचारको मापबाट को नै अछुत छ र यहाँ ?

संसारको प्राणीमध्ये मानव नै अग्रसर छ 
भन्ने चोखो नापबाट को नै अछुत छ र यहाँ ?

Comments

सम्पर्क माध्यम

khasskhass@gmail.com
Share |